Saturday 5 March 2016

தேகவெடிப்பு

தேகவெடிப்பு

- - - - - - - - - -

கூதல் காலத்துக் கனவுகளில்
முத்தம் தேடித்திரியும் யாமத்தின்இரவுகள்
பாலைதேசத்தின் வெம்மைகுடித்துச் சாவும்,
வெய்யோன் கடித்து வளர்கிற கள்ளியின் மொட்டுகள்
சூரியனின் உதடுகளை நியாபகப்படுத்துகின்றன,
பனிஈரம் படரும் கிளைப்பூக்களின் உயிரை
பட்டாம்பூச்சிகள் உறிஞ்சி நாசிநிறைப்பது
அதிகாலையின் ஆகச்சிறந்தக்காதல்,
ஆவாரம்பூவின் மஞ்சள்நாவுகள்
கூந்தலின் தேகத்தில் வாசம்காண்பது
பகல்நேரத்தின் பிஞ்சுக்காமம்,
கதிர்கள் உதித்து பிறை மறையும் பொழுதெங்கிலும்
முத்தத்தின் வாடை பிரபஞ்சத்தை இறுக்குகிறது.,
குமரியொருத்தியின் பறித்தலுக்காக மட்டுமே
பூத்துக்கொண்டிருக்கின்றன என் தொட்டில்செடியின் காமம் ..

- அதிரூபன்

No comments:

Post a Comment